一名診所護士日前於網上發文指，遇到一名瘋狂嫲嫲，到診所拿出愛孫前一晚的糞便尿片表示：「隔住條片都聞到啲屎酸味」，惟兒子及媳婦聞不到，她要求護士幫忙聞，並確認是否有酸味，護士以長期鼻敏感來拒絕阿嫲無理要求，但阿嫲竟要求試味，護士即回應：「唔好玩啦，我唔食屎㗎」，並稱要隔日屎可能已變味才成功擊退阿嫲。
診所低能奇觀貼文截圖
有護士在facebook專頁「診所低能奇觀」發文，指一名姨姨來到診所登記處，詢問診所護士「姑娘，可唔可以借你個人嚟用吓呀？」管理員心知有異，堅決回應：「唔可以」，但阿姨指，「我唔使睇醫生呀，我想借你嚟用吓咋嘛」，護士再答「你唔係睇醫生嘅，我應該無咩可以幫到你」。
阿嫲立刻從手袋拿出一包尿片放上枱面，表示：「我梗係知你識先走嚟搵你啦，你幫我聞吓佢有冇酸呀」，並準備打開尿片之際，護士立即叫停，並詢問這包內是否有糞便，阿姨竟回答「是我孫昨日屙，我噚日隔住條片都聞到啲屎酸啦，我個仔死都話冇喎，個新抱又係咁講喎！咁噚日你哋好早收工我拎到落嚟，見你哋熄晒燈囉，咪留到而家囉，你聞吓呀」。
診所低能奇觀貼文截圖
該護士回應：「唔駛聞㗎，如果小朋友有咩唔舒服，你哋直接帶小朋友嚟睇醫生就得㗎啦…你塊片掉咗佢啦」，阿嫲重申不是要求診，只是不順氣，再要求護士聞屎確認是否有酸味。護士聲稱「長期鼻敏感有鼻塞問題」而拒絕聞屎，阿嫲一臉茫然續問：「咁…你食唔食到味㗎？」。護士答：「唔好玩啦，我唔食屎㗎」，阿嫲解釋說：「我冇要你食呀，試吓味咋嘛，聞唔到咪試吓酸唔酸囉」。
護士為擊退阿嫲，表示隔晚屎會變味，稱「要最新鮮出嗰吓先係最真嘅」，阿嫲望着尿片靜心想想，再問「咁下次我係咪應該即刻試咗先呀？」。護士沒有回應，阿嫲續問：「咁都有可能係，我個仔同新抱都有你嘅問題喎，佢哋都可能係鼻敏感喎，所以佢哋就聞唔到。試應該試到呀？」。護士不敢回應，阿嫲再說：「佢哋聞唔到酸，下次我叫佢哋試咗，佢哋就知道真係酸㗎啦，應該唔會再話係我問題啦！」最終她便開心離開診所。
事件引起不少網民留言，笑指這位嫲嫲「好癲」、「癡線」、「係咪傻㗎？」。亦有網民留指，「人日俾篤屎你慶祝生日」、「好玩唔玩，玩屎」、「隔住個屏幕都聞到味」、「睇來不止生仔要考牌」。不過亦有部分網民表示事件很浮誇，不相信真有此事。
留言截圖
資料來源：星島日報、診所低能奇觀 Facebook 專頁
好工推介
職場熱話
- 1
- 2
-
高才通平均月入達4萬 高於香港收入中位數2萬多元 17％從事創科工作
TOP 1 -
日日返工都好攰 放假又唔夠時間休息 7種方法幫你叉足電！
TOP 2 -
返工要有邊界感 懂得設限 先係職場成熟嘅表現
TOP 3 -
大學生兼職「湊仔」成潮流 有家長包吃包住包旅遊月付5000蚊
TOP 4 -
黑雨唔返工 即刻俾啊媽話唔上進 「生病、旅行、轉工、OT，總之喺屋企就係懶」
TOP 5
-
喺邊個地區返工最幸福？盤點10大打工天堂
TOP 6 -
【打工仔Q＆A】惡劣天氣下打工仔有咩保障？老細可唔可以扣糧或者炒人？
TOP 7 -
【職場兩極人生】裸辭同事一句心聲觸發反思 躺平vs內卷：努力就一定成功？
TOP 8 -
平機會研究：年假不足難兼顧家庭 4％僱主曾勸諭員工辭職
TOP 9 -
新工閃現 發掘你的職場新機遇
TOP 10
